ӘНГАМ АТНАБАЕВ “Язлар булса, ярсып сайрар өчен”

📗 ӘНГАМ АТНАБАЕВ
Язлар булса, ярсып сайрар өчен,
Сыерчыклар канат кагына;
Сыерчыклар канат кагынганда,
Мәхәббәтем, сине сагынам.

Язлар булса, хуш исләрен бөркеп,
Болын чәчкәләргә ябына;
Болын чәчкәләргә ябынганда,
Кайтыр идем синен яныңа.

Язлар булса, очкын ялкынланып,
Йөрәкләрдә утлар кабына;
Йөрәкләрдә утлар, кабынса да,
Кайтып булмый яшьлек ягына.